Тывада дамчыдылга четкилиг суг чыыр черниң тудуу 72 хуу туттунган

«Арыг суг» федералдыг төлевилел-биле Каа-Хем суурда Преображенский микрорайонунда суг дамчыдар четкилиг тудугнуң техниктиг белени 72 хуу четкен. Ат салган керээ езугаар объектини 2024 чылдың төнчүзүнде ажыглалче киирер ужурлуг.

Административтиг оран-сава биле гаражты, арыг суг шыгжамырын туткан, 4,89 км-де суг хоорзаларын шөйер ажылды бүрүнү-биле дооскан. Суг чыыр черже орукту асфальтылаан, чырык шугумун шөйген, ам ону кожары арткан.

Административтиг оран-саваны чаагайжыдып, агаар арыглаар дериг-херекселди эптеп кошкан. Преображенский микрорайонда спортчу-культура төвүнүң, школа база хөй аалдыг бажыңнар тудуун, радиостанция болгаш социал объектилерни аңаа кожар болганындан, амгы үениң шынарлыг дериг-херекселдерин салып турар.

«Арыг суг» төлевилел-биле 30 муң чедир чурттакчы чоннуң Ак-Довурак хоорайда эрги суг чыыр черни чаартып, чаа гидротудугну тудуп турар.

Арыг суг чыыр ийи объектини ажыглалче киириптерге, Тываның чурттакчыларның 78 хуузу арыг суг-биле хандыртынар, республика чурттакчыларының 47 хуузу төпчүткен суг хандырылгазының системазындан шынарлыг ижер сугну ап эгелээр деп, Тываның Тудуг яамызы дыңнаткан.