Тываның аныяктары «Росмолодёжь.Гранты «Двигай сообщества» конкурска киришкеш, 1500000 рубль грант деткимчезин ойнап ап болур

Аныяктар херектериниң талазы-биле федералдыг агентилел Тываның аныяктарын «Росмолодежь.Гранты «Двигай сообщества» аныяктар төлевилелдериниң бүгү-российжи конкурузунга киржиринче чалаан.

Колледжтер болгаш техникумнарның студент ниитилежилгелер төлевилелдерин деткип база сайзырадыры-биле конкурсту эрттирип турарын сагындыраал. 14-тен 35 хар чедир назылыг аныяктар чагыгларны киирип болур. Социал төлевилелдерниң тулган дирткен аныяк авторлары 1500000 рубль чедир деткимчени грант кылдыр алыр.

Конкурстуң чаңгыс номинациязынче бир төлевилелди айыткан чагыгны киирип болур: ● #двигай_сообщества – ортумак тускай өөредилге черлериниң студент ниитилежилгелерин деткииринче база сайзырадырынче угланган төлевилелдер-дир.

«Молодежь России» (grants.myrosmol.ru) федералдыг күрүнениң автоматчыткан информастыг системазы таварыштыр 2024 чылдың август 26-дан сентябрь 26-га чедир чагыгларын киирип болур.

Конкурстуң дугайында тодаргай тайылбырны «Росмолодёжь.Гранты «Двигай сообщества»-ның Чарлалдар кезээнден көрүп болур: https://fadm.gov.ru/documents/?SECTION_ID=&ELEMEN..