Таңды кожууннуң Балгазын суурда "Өөредилге" нацтөлевил деткимчези-биле туткан чаа школа ажыттынган

Балгазын суурда 616 олуттуг чаа школаны байырлыы-биле ажыткан.

Тываның Чазааның даргазының оралакчызы Олег Лукин, Дээди Хуралдың даргазы Кан-оол Даваа, Тываның өөредилге сайыдының бирги оралакчызы Ольга Сенди, депутаттар, кожуун удуртукчулары болгаш ооң чурттакчылары кожууннуң чонунга чугула хемчегге киришкен.

Өөредилге черин "Өөредилге" национал төлевилел күүселдези-биле туткан. Школада өөредилге болгаш класстан дашкаар кичээлдер өрээлдерин: «Өзүлде точказының», чурагайлыг өөредилге хүрээлелиниң кабинеттери, чазанылга мастерскаязы, хөгжүм класс, 300 олуттуг хуралдаар, спортчу база тренажёр залдары, школа театрын аңгылаан. Орус дыл болгаш литература башкызы Надежда Мальцеваның удуртканы школа театрында 30 уруг барып турар. «Россияның эзиржигештери» болгаш «Баштайгыларның шимчээшкини» бүгү-российжи уруглар организациялары база ажылда.

236 олуттуг столовая изиг чемненилгени хандырар, оон аңгыда диш эмчилиг медпунктуну ажыткан. Кылымал сигенниг база спортчу шывыглыг амгы үениң стадиону өөредилге черин улам каастаан. Стадионда футбол, баскетбол, волейбол, улус теннис шөлдерин, маңаар черни тускайлаан. 

Кожа чыдар Кызыл-Арыг биле Сой суурлардан уруглар сөөртүлгезин өөредилге чылында организастаан.