Тывада хуусаадан эрте бадылаашкын эгелээн

Тываның транспорт харылзаазы берге азы чок, чедери берге болгаш ырак черлеринде хуусаадан эрте бадылаашкыннар бо хүн эгелээн. Тываның Соңгулда комиссиязы ооң дугайында дыңнаткан.

19 муниципалдыг тургузугнуң 17 кожууну - Бай-Тайга, Барыын-Хемчик, Чөөн-Хемчик, Каа-Хем, Кызыл, Мөңгүн-Тайга, Өвүр, Бии-Хем, Сүт-Хөл, Таңды, Тере-Хөл, Тес-Хем, Тожу, Улуг-Хем, Чаа-Хөл, Чеди-Хөл база Эрзинде 14 муң хире соңгукчулар чурттап турар черлерде хуусаадан эрте бадылаашкыннар эгелээн.

Тыва Республиканың Дээди Хуралының (парламентизиниң) дөрткү чыыжының соңгулдаларында Тожунуң Ий, Азас сумуларының, Тере-Хөл кожууннуң сел Эми, Балыктыг, Каргы суурларының чурттакчылары кымны мурнай соңгаан.

Сентябрьның 1-ден Бай-Тайга кожууннуң Кара-Хөл, Өвүр кожууннуң Сарыг-Хөл, Чөөн-Хемчиктиң Элдиг-Хем, Бии-Хемниң Хүт, Эрзинниң Качык суурларының чурттакчылары соңгуп эгелээр.

Республиканың 79 участок соңгулда комиссияларның кежигүннери августуң 22-ден сентябрь 7-ге чедир малчын болгаш ивижи турлагларже, ыраккы суурларже, алдын тывыкчыларынче база вахтада ажылчыннарже үнер. Олар чадаг, хемелеп, аъттыг, «Урал» автомашиналыг база өске-даа транспорт-биле ынаар чедерлер – деп, Тываның Соңгулда комиссиязы дыңнаткан.