Тыва Республиканың Баштыңының Администрациязынга база Тыва Республиканың Чазааның Аппарадынга, республиканың күүсекчи эрге-чагырга органнарынга стажировка эрттирер аныяк специалистерни чалап тур

Тыва Республиканың Баштыңының Администрациязы база Тыва Республиканың Чазааның Аппарады Тыва Республиканың Баштыңының Администрациязынга база Тыва Республиканың Чазааның Аппарадынга, Тыва Республиканың күүсекчи эрге-чагырга органнарынга стажировка эрттирер аныяк специалистер шилилдезиниң мөөрейинге киржир документилер хүлээп алыышкынын чарлаан.

Мөөрейге киржир кордакчыларга дараазында негелделерни салган:

Россия Федерациязының 35 хар чедир назылыг, дээди эртемниг, Россия Федерациязының күрүне дылдарын билир хамаатызы мөөрейге киржип болур.

Мөөрейге киржир күзелдиг кордакчы комиссияже дараазында документилерни киирер:

1) Тыва Республиканың Баштыңының 2017 чылдың март 17-де № 62 чарлыы-биле бадылаан Тыва Республиканың Баштыңының Администрациязы база Тыва Республиканың Чазаанга, Тыва Республиканың күүсекчи эрге-чагырга органнарынга аныяк специалистерге стажировка эрттирериниң чурумунуң дугайында дүрүмнүң (дараазында – Дүрүм) 1 дугаар капсырылгазы езугаар мөөрейге киржириниң дугайында билдириишкинни;

2) Дүрүмнүң 2 дугаар капсырылгазы езугаар бодунуң дугайында медээлерни чыып ажылдаарынга чөпшээрелди;

3) Дүрүмнүң 3 дугаар капсырылгазы езугаар чуруктуг анкетаны;

4) паспортунуң азы ол документини солаан документизиниң хоолгазын (мөөрейге келгеш, чогуур документизин боду көргүзер);

5) чогуур эртем-билиин, квалификациязын болгаш ажыл стажын бадыткаан документилерин:

- эртем-билииниң болгаш квалификациязының дугайында документилериниң хоолгаларын, ол ышкаш немелде профессионал өөредилге үезинде билиин бедиткен азы квалификация тывысканын бадыткаан документилериниң, эртем чадазы, эртем ады тывыскан дугайында документилериниң хоолгазын хамааты бодунуң күзели-биле киирип болур;

- нотариуска азы ажылдап турар чериниң кадрлар албанынга бадыткаткан күш-ажыл дептериниң хоолгазы (күш-ажыл чорудулгазын бир дугаар эгелеп турарлардан өскеде) азы күш-ажыл ажыл-чорудулгазының дугайында дыңнадыгны;

- шериг билединиң хоолгазын;

- кордакчы кижи өске-даа документилериниң хоолгазын күзели-биле киирип болур.

Документилер хүлээр чери, үези база хуусаазы: документилерни хүлээп алыр дугайында чарлалды парлаан хүнден эгелеп 21 календарлыг хүн дургузунда (2024 чылдың август 19-тан сентябрь 8-ке чедир (ол хүн база) дараазында адресте хүлээп турар: 667000, Тыва Республика, Кызыл хоорай, Чүлдүм кудумчузу, б. 18, байырлал болгаш дыштаныр хүннерден аңгыда, ажыл хүннеринде 8.30–17.30 шактарда (дүштеки чапсары – 13.00–14.00 ш), баш бурунгаар дараазында телефоннар дамчыштыр бижидип алыр: (839422) 9-72-45, 9-72-47.

Тодаргай медээлерни бо айтыгда салган: Конкурсы и вакансии - Официальный портал Республики Тыва (rtyva.ru).