Тыва Республика Хүнүнүң байырлыг хемчеглер планын бадылаан

«Тыва Республиканың байырлал хүннериниң дугайында» №143 республика хоойлузу Тыва Республиканың Хүнүн күрүне байырлалы кылдыр доктааткан. Республикада ол хүн дыштаныр.

Август 13

10:00 – Культура болгаш дыштанылганың национал парыгынга «Эки талаже өскерлиишкин хүнү» деп экологтуг акция (ыяш тарыыры);

Август 15

10:00 – К.И. Чуковский аттыг республиканың уруглар библиотеказының социал четкилерде арыннарынга Тыва Республика Хүнүнге тураскааткан «Тываның төөгүзү» деп онлайн-викторина;
10:00 – культура албан черлериниң социал четкилерде арыннарынга Тываның бойдус чурумалын көргүскен «Тываның эртинези» видеоролик;
10:00 –Тыва Республиканың Национал музейинге албан черлериниң чагыы езугаар экскурсиялар;

Культура-массалыг хемчеглер

Август 12-14

«Алдын-Булак» этнокультурлуг комплекске «Тываның командазы 2030» аныяктар форуму;

Август 15

10:00 - Тыва күрүнениң үндезилекчилериниң бирээзи Монгуш Буян-Бадыргының тураскаалынга боодал чечектер салыр езулал;
11:00 - «Өг-бүле» парыгынга «Өг-бүлениң улуг дыштаныр хонуктары» акция үезинде чогаадыкчы шөлдерни, мастер-класстарны, спортчу оюннарны база консультация пунктуларын организастаар;
17:00 - Тыва Республиканың Национал хөгжүм-шии театрынга Тыва Республика Хүнүнге тураскааткан байырлал концерти база күрүне шаңналдарын тыпсыры;
19:00 - Арат шөлүнге аныяктарга кежээки программа;

Август 16-17

«Азияның төвү» этнокультурлуг комплекске «Азия төвүнде хөөмей» V делегейниң хөөмей фестивалы;

Спортчу-массалыг хемчеглер

Август 7-18
9:00 - «Субедей» спорт школага хүннүң-не, Тыва Республиканың Баштыңының Кубогу дээш эр болгаш херээжен командалар аразынга волейбол маргылдаалары;

Август 14-16

10:00 – Советтиг Тываның 5 чылы аттыг стадионга «Маадырларның чарыжы» шаптараазыннарлыг чарышка Тыва Республиканың чемпионады;

Август 15

12:00 - В.С. Биче-оол аттыг «Хүреш» стадионунга хоочуннар аразынга республиканың хүреш маргылдаазы;

Август 16

10:00 - В.С. Биче-оол аттыг «Хүреш» стадионунга 5 аңгы назы-хар бөлүктеринге бичии болгаш элээди оолдар ортузунга тыва хүрешке Тыва Республиканың Бирги чери дээш маргылдаа;

Август 23

10:00 - Улуг-Хем кожууннуң «Көк-Чыраа» арбанының шөлдеринге сиген кезикчилериниң аразынга «Шалы-ла, кадыыр-2024» республиканың ажык маргылдаазы.