Тываның чурттакчылары Тиилелгениң 80 чылынга дузалажыр волонтер корпузунга каттыжып болур

Тываның чурттакчылары 1941-1945 чылдарда Ада-чурттуң Улуг дайынынга Тиилелгениң 80 чыл оюн демдеглээр улуг байырлалга волонтерлап болур. Байырлалга тураскааткан хемчеглер Россия Федерациязының шупту субъектилериниң девискээринге бүдүн 2025 чыл дургузунда болуп эртер.

Аныяктар херектериниң талазы-биле федералдыг агентилел биле «Тиилелгениң волонтерлары» Бүгү-российжи хөй-ниити шимчээшкини Тиилелгениң юбилейин демдеглээриниң чаңгыс аай концепциязын ажылдап кылган. Ол ажыл-биле волонтерларның регионалдыг төптерин тургузар. Ниитизи-биле Россияга болгаш даштыкыда шимчээшкинге эвээш дизе 300 муң волонтерлар киржир ужурлуг.

Өөредилге организацияларының баазазынга, эки турачы чорукту хөгжүдер курлавыр төптеринге, ол ышкаш Тиилелге волонтерларының регионалдыг салбырларынга регионнарның волонтер корпузунуң белеткел төптерин ажыдары планнаттынган. Эки турачылар тускай белеткелди эртер: төөгүнү сактып, патриотчу хемчеглерни организастаар арга-дуржулгаларны шиңгээдип, харылзааны болгаш үе-шакты шын ажыглаарының аргазын тургузуп өөренири дээш, оон-даа өске.

Эки турачылар 2025 чылдың октябрь-ноябрьда Ада-чурттуң Улуг дайынынга Тиилелгениң 80 чыл оюнга тураскааткан волонтерлар корпузунуң делегей чергелиг форумунга киржир аргалыг.

Регионнарның волонтер төптериниң ажыдыышкыны ноябрьда чаңгыс хүнде п эртер. 2024 чылдың октябрьда эки турачыларны бүрүткеп эгелээри планнаттынган. Тодаргай медээни волонтерыпобеды.pф сайтыдан билип ап болур.