Тывада 1 дугаар эдип-чазаар колонияда кеземче эрттирип турар кижилерге ажылчын олуттарның бирги тускай ярмарказын эрттирген

Чонну ажылга хаара тудар төптерниң идегелдиг партнерлары: «БТК Групп» АН, «Автоколонна 17» КХН, «Транснедр» КХН база «Тамара и Ко» КХН хостуг олуттарны сүмелээн.

«Кеземче эрттирип турар кижилерге хостуг ажылчын олуттарның бирги ярмарказы үре-түңнелдиг эрткен – чугалаажыышкыннар соонда хоругдалда беш кижи ажылга тургустунганының дугайында керээлерни хары угда чарган. Ол бүдүрүлгелерниң келир үеде ажылчыннары хосталган соонда, албан езузу-биле ажылдап эгелээри магадылалдыг» - деп, Тываның Чонну ажылга хаара тудар төвүнүң удуртукчузу Айлана Бюрбю чугаалаан.

Колония боду профессионал училищелиг, ында ыяш ужурукчузу, автомобильдер септээр слесарь, кеш болбаазырадыкчызы, бетончу, дуңзаачы дээш, өске-даа ажыктыг 26 мергежилде өөредип турар.

Дааранылга, идик кылыр, эт-сеп мастераскаязы, автомастерская, теплица, мал маган бүдүрүлге цехтери бар. Колонияның садыы боттарының бүдүрген продукциязын садып турар.

Хосталган кижилерге социал дуза көргүзер улуг күрүне системазының шенелделиг тускай программазы-биле хостуг олуттар ярмарказын колонияларга эрттирген. Ооң сорулгазы – хосталгаже үнер бертинде ажылга тургустунуп алырынга дузалажыры, ресоциализацияның, социал адаптацияның өске-даа хемчеглерин көргүзери, ол ышкаш дагын база кем-херек үүлгедиишкиннерин эвээжедири.

Чонну ажылга хаара тудар албанның ажылдакчылары хостуг олуттарның дараазында ярмарказын 1 дугаарлыг эдип-чазаар колонияның Таңдыда "Березовка" көдээ ажыл-агый бүдүрүлге участогунга эрттирерин планнаан.