Закрыть
Логин:
Пароль:
Забыли свой пароль?
Войти    

Республика Чазааның аппарат хуралында неделяның оперативтиг байдалын чугаалашкан

Республика Чазааның аппарат хуралында неделяның оперативтиг байдалын чугаалашкан 08.07.2024 Тыва Республиканың Баштыңының удуртуп эрттиргени Чазактың аппарат хуралынга республика девискээринде арга-арыг өрттериниң талазы-биле оперативтиг байдалды сайгарган. Россияның Онза байдалдар яамызының Тыва Республикада Кол эргелелиниң дыңнатканы-биле алырга, өрт айыылының үези эгелээнден бээр республикага 34 арга-арыг өрттери демдеглеттинген, июль 8-тиң эртенинде 10 арга-арыг өрттери хып турар.

Арга-арыг өрттериниң 90 хире хуузу чедери берге кадыр-кашпал тайга черде. Агаардан патрульдаашкынны күштелдиргенинден, өрттерниң хөй кезиин баштайгы хүнүнде-ле өжүрүп турар. Муниципалдыг тургузугларда волонтерларның өртчү бригадалары өрттер өжүреринге дузазын көргүзүп турар.

Оон аңгыда суг объектилеринге уругларның киржилгези-биле айыыл-халаптарның саны көвүдеп турар. ТР-ниң ИХЯ-зының медээзи-биле алырга, ада-иелерниң азы хоойлу езугаар төлээлерниң чогуур хайгааралы чок болганындан назы четпээннер-биле ындыг таварылгаларның саны көвүдээни демдеглеттинген.

Эрткен неделяда Улуг-Хемге эштип тургаш, 9 биле 15 харлыг, ийи элээдилер чок болган. Тываның муниципалдыг тургузугларында хемнер суглар эриинде рейд бөлүктериниң хыналдазын организастаан. Кызылда ада-иелер болгаш кайда-даа хаара туттунмаан уруглар-биле профилактиктиг ажылды күштелдирер.

Дус-Хөлдүң шуут-ла эрик чоогунче автотранспорттуң эртерин хораан кызыгаарлаашкынны хажыткан кижилерни илередир рейдилер чоруп турар.

Возврат к списку