Закрыть
Логин:
Пароль:
Забыли свой пароль?
Войти    

Хакасияның арга-арыг өрт албанының ажылдакчылары Тывада арга-арыг өрттерин өжүржүр дээш чедип келген

Хакасияның арга-арыг өрт албанының ажылдакчылары Тывада арга-арыг өрттерин өжүржүр дээш чедип келген 05.07.2024

Республиканың Баштыңы Владислав Ховалыг кожавыс регионнуң удуртукчузу Валентин Коноваловка дилегни киирген соонда, Хакас Республиканың парашют-десант өрт албанының он ажылдакчызы дүүн Тывада чедип келген. Хакассияның өртчүлери Тожу кожуунда Алгыяк хемниң чоогунда элээн нарын байдалдыг өрттү өжүреринге дузалажыр.

Тываның Баштыңы Владислав Ховалыг арга-арыг өрттерин бодунуң контролюнда тудуп, социал четкилерде бодунуң арыннарында байдалды хүннүң дамчыдып турар.
- Бо үеде республикада 27 арга-арыг өрттери хып турар. Оларның алдызын чавырылдырган, ооң санында бөгүнде эң берге байдалдыг Тожуда үш өрттү. Өртчүлер өрттү тү төндүр өжүрер дээш демисежип турар. Бүгү талалыг хемчеглерни алган соонда, чурттакчылыг черлерге айыыл чок байдал магалаттынган – деп, Ховалыг дыңнаткан.

Регионалдыг диспетчер албаны Тыва Республиканың арга-арыг фондузунда 2742,5 га черде 21 өрт хып турарын 2024 чылдың июль 5-тиң 9.30 турда дыңнаткан. Тожу биле Каа-Хем кожууннарда ниити шөлү 494 гада арга-арыг өрттерин чавырылдырган. Эрткен хонукта Каа-Хем, Тожу база Кызыл кожуун девискээрлеринде 175 га ниити шөлдүг беш арга-арыг өрттерин өжүрген. Каа-Хем кожуунда Бүрен-Бай-Хаак, Сизим база Бүрен-Хем арга-арыг участоктарында үш черде отту өжүрген.

«Убсу-Нур ыйгылаажы» база «Азас» заповедниктер онза хайгааралдыг бойдус девискээрлериниң черлеринде ниитизи-биле 51 га шөлде өрттү чок кылган.

Тожу, Каа-Хем база Таңды кожууннарның арга-арыгларында өрттерни өжүрбүшаан.

268 кижи база 10 санныг техника аймаа арга-арыг зоназында өрттер өжүреринде хаара туттунган.

Тывада июль 1-де чарлаан “онза байдал” чуруму уламчылавышаан. Ол чурумнуң негелдези езугаар кижилерниң арга-арыгже кирерин кызыгаарлаан.



Возврат к списку