Закрыть
Логин:
Пароль:
Забыли свой пароль?
Войти    

Владислав Ховалыг Дагестан болгаш Севастопольдуң чурттакчыларын деткээн сөстерни дамчыткан

Владислав Ховалыг Дагестан болгаш Севастопольдуң чурттакчыларын деткээн сөстерни дамчыткан 24.06.2024

Июнь 23-түң хүнүнде Севастопольга терроржу акт болган. Украинаның Чепсектиг күштери ийи курорт районнар – Учкуевка биле Любимовкаже ракеталыг адыышкынны кылган. Терроржу халдаашкындан ийи улуг кижи, үш биле тос харлыг ийи бичии уруглар чок болган, 151 кижи балыгланган.

Тываның Баштыңы Владислав Ховалыг УЧК ажыл-чорудулгазын деткээр чурттарның туружун база халдаашкынын буруу шаап, чок болган кижилерниң чоок болгаш төрээн улузунга кажыыдалын илереткен:

«Украинаның чепсектиг күштериниң дайзыннарындан база оларны деткээн чурттардан кижизиг чүнү-даа манавас бис. Чүгле фронтуда чедиишкиннеривис-биле бистиң тайбың хамаатыларывысты айыылдан камгалап болур бис» - деп, регионнуң удуртукчузу бодунуң блогунда бижээн.

Июнь 23-түң кежээзинде Дагестанга база теракт болган – экстремистер Махачкала база Дербентже хары угда халдааннар. Дагестанның оттары хоорайның полиция баштыңы баштаан корум-чурум камгалаар органнарның ажылдакчылары база тайбың чурттакчылардан 17 хире кижи дерзии үүлгедигден когараан.

«Мөчээн кижилерниң төрээн болгаш чоок улузунга кажыыдалым илереттим. Балыгланган кижилер дүрген сегип келзин. Дагестан, улуг Россиявыс силер-биле кады!» - деп, Владислав Ховалыг дагестанчыларга дамчыткан.

Республиканың Баштыңы бо чоокку үеде корум-чурум камгалаар структураларның, прокуратура, шериг комиссариады база өске-даа ведомстволар төлээлериниң киржилгези-биле Тываның террорга удур комиссиязының ээлчег чок хуралы болурун дыңнаткан.


Возврат к списку