Закрыть
Логин:
Пароль:
Забыли свой пароль?
Войти    

Республика девискээринде өртке удур онза байдал чурумун июль 8-ке чедир узаткан

Республика девискээринде өртке удур онза байдал чурумун июль 8-ке чедир узаткан 18.06.2024

Июньнуң 17-ге чедир күштүг турган өртке удур онза сезонну ам-даа үш неделя, азы июль 8-ке чедир узаткан. Тываның Баштыңы Владислав Ховалыг бөгүн ук доктаалга атты салган.

Тываның Арга-арыг ажыл-агый яамызы арга-арыг кирер дээн хамаатылар база транспорт аймаа мооң мурнунда ышкаш, эрттирилге бижиктиг болурун дыңнаткан. Ону яамыга азы кожуунарда арга-арыг ажыл-агыйларынга баргаш халас бжиттирип алыр. Ындыг болзажок, арга-арыг инспекторлары онза-ла хереглел чок болза, арга-арыгже барбазын кыйгырып турар.

Арга-арыг девискээрлеринге одаг кыпсыры хоруглуг, хүн бүрүнүң патрульдаашкынын болгаш дежурныйлаашкынны күштелдирер, арга-арыгда өрттер байдалын доктаамал хынаар.

Өртке удур онза чурумну үрээннерге улуг торгаалдар онаажыр: хамааты кижилерге – 40 муң, а юридиктиг черлерге – 500 муң рубль чедир.


Возврат к списку