Закрыть
Логин:
Пароль:
Забыли свой пароль?
Войти    

Тускай сорулгалыг өөредилгеже чагыгны июнь 10-га чедир киирер

Тускай сорулгалыг өөредилгеже чагыгны июнь 10-га чедир киирер 31.05.2024

Келир үениң студентилеринге өөредилге үезинден улаштыр ажылче хүлээринге чедир оларны үдээринге белен ажыл берикчилериниң боттуг санал-оналдары-биле таныжып алырынга таарымчалыг “Россияда ажылда” порталда тускай шилилделиг өөредилге черлериниң баазазын тургускан.

Ол бүгүге сонуургалдыг ажыл берикчилери июнь 10-га чедир порталга саналдарын салыр ужурлуг.

Майның 30-ге чедир республиканың 11 ажыл берикчилери специалистерни тускай сорулгалыг белеткеп алырынга 29 чагыгны кииргенин Тываның чонну ажылга хаара тудар төвү дыңнаткан.

Муниципалдыг тургузуглар чагыргалары, школалар, немелде болгаш школа назыны четпээн өөредилге черлери, Тываның күрүне университеди, Тыва Республикада Гигиена болгаш эпидемиология төвү, Росхереглекчилер хайгааралының эргелели, Кадык камгалал яамызы, Чурагайлыг хөгжүлде яамызы, Ветеринария албаны, Арга-арыг ажыл-агый болгаш бойдус ажыглалының яамызы, Национал хөгжүм-шии театры чагыгларны киирген.

Эртем башкылары, бухгалтерлер, арга-арыг ажылдакчылары, эмчилер, актёрлар дээш, 167 хостуг олут барын дыңнаткан.

Тускай сорулгалыг өөредилге баазазын https://clck.ru/3AWmni шөлүгден көрүп, бодунуң санал-оналын арттырып болур.

Тускай сорулгалыг олуттарже кирер абитуриентилер колледж азы дээди өөредилге черинче дужаар мурнунда келир үениң ажыл берикчизи-биле керээни чарарын сагындыраал. Керээ езугаар халас өөренгеш, доозупкан соонда, ол ажыл берикчизинге ажылдаар. Дооскаш келген специалист организацияга үштен беш чыл чедир ажылдары – кол негелде.


Возврат к списку