Закрыть
Логин:
Пароль:
Забыли свой пароль?
Войти    

Чалым Чульдум-оолга Россия Федерациязының Маадырының Алдын Сылдызын тывыскан

Чалым Чульдум-оолга Россия Федерациязының  Маадырының Алдын Сылдызын тывыскан 31.05.2024

Майның 30-де, Россияның Президентизи Владимир Путин улуг лейтенант Чалым Чульдум-оолге Россия Федерациязының Маадырының Сылдызын тывыскан. Россияның шылгараңгай хамаатыларынга эң дээди күрүне шаңналдарын тыпсыр байырлыг езулал Кремльдиң Екатерина залынга болуп эрткен.

Тываның Баштыңы Владислав Ховалыг бедик шаңналдар тыпсыр езулал соонда Россияның Маадырынга байырын чедирген. «Эрткен чылдың декабрьда дайынчы тулчуушкун үезинде дайзынның автомобилин ол бир дугаарында эскерип каан. Дүрген болгаш шын шиитпирни үндүрүп, хыдыкчылар бөлүүн баштапкаш, дайзынның уунче шимчеп үнүпкен. Офицер эрес-дидим, коргуш хөделип, дайзынны узуткааш, дайынчы даалганы күүсеткен» - деп, республиканың удуртукчузу бодунуң блогунда бижээн.

Чалым Сюндюпович Чулдум-оол Өвүр кожууннуң Чаа-Суур суурга төрүттүнген. Академик М.Ф Решетев аттыг Сибирьниң күрүнениң аэрокосмиктиг университедин дооскан. Төрээн кожуунунда организацияларга, республиканың 1 дугаар эмнелгезинге ажылдап, амгы үеде Россияның Армиязында албан хүлээлгезин эрттирип турар. Дайынчы ачы-хавыяазы дээш «Эрес-дидим чоруу дээш» медаль, «Ада-чурттуң мурнунга ачы-хавыяазы дээш» орденниң II чергезиниң медалы-биле шаңнаткан.


Возврат к списку