Закрыть
Логин:
Пароль:
Забыли свой пароль?
Войти    

Тываның чурттакчы чонунуң 8 хире хуузу эки турачы ажылдарда хаара туттунган

Тываның чурттакчы чонунуң 8 хире хуузу эки турачы ажылдарда хаара туттунган 30.05.2024

7 хардан өрү назылыг Тываның чурттакчы чонунуң 8,1 хуузу, азы 26 муң кижи 2023 чылда эки турачы акцияларга боттары киришкен. ТР-ниң Аныяктар херектериниң талазы-биле яамы эрткен чылда ажыл-чорудулгазының илеткелин республика чазаанга илеткеп тура, волонтер шимчээшкининиң хөгжүлдезиниң дугайында таныштырган.

Аңгы-аңгы назы-харлыг киржикчилерни каттыштырган 96 эки турачы организациялар республикада ажылдап турарын ведомство илеткээн. Бот-боттарынга дузалажыр «#МыВместе» акция клуву, база «ОНФ аныяктары», «Тываның буянныг чүректери», «Мээң найысылалым», «Российжи школачылар шимчээшкини», чаңгыс демниглерниң «Аныяк гвардия», «Волонтер-эмчилер», «Тываның студент отрядтары», бүгү-российжи студент камгалакчылар корпузунуң регионалдыг салбыры дээш, өске-даа хөй-ниити организациялары идепкейин көргүскен.

Республикада волонтер организациялары эрткен чылын 287 акцияны эрттирген, ооң санында ТШО дайынчыларынга база оларның өг-бүлелеринге дузаны көргүскен. Тываның волонтерлары хан дужаар, экологтуг база ачы-буян чыылдалыг акцияларны, Улуг Тиилелге, Аныяктар хүнүнге, Өг-бүле хүнүнге, делегейниң Херээженнер хүнүнге тураскааткан хемчеглерни деткээн.

Добро.РФ портал эки турачыларны мөөңнээн кол шөл апарып, 4 муң ажыг волонтерларны хаара туткан. Ол порталга Тываның 640 чурттакчызы эки турачы ажылды организастаар айтырыгларга өөредилгени эрткен чылда эрткен. Эки турачы ажылче кижилерден аңгыда, 146 организациялар база коммерцияга хамаарышпас черлер хаара туттунган.

Аныяктар херектериниң талазы-биле яамы таварыштыр конкурстуң саң-хөө деткиишкини волонтер шимчээшкининге бурунгаар идигни берген. Тываның 14 төлээзи «Росмолодежь.Гранты» конкурска тиилээш, боттарының инициативаларын боттандырарынче ниитизи-биле 3,8 млн рубльди алган. 2023 чылда олар шупту чедишкинниг күүсеттинген.

2024 чылдың грант мөөрейинге Тывадан 74 төлевилел киришкен. 8 сайгарлыкчы база 7 социал угланыышкынныг инициативалар, азы 15 төлелел тиилээш, саң-хөө деткимчезин алган.


Возврат к списку