Тывада кышкы спортчу сезон декабрь 4-те ажыттынар

26.11.2021 Кышкы спортчу сезонну “Тайга” хаак станциязынга ажыдары чаңчыл болур берген, бо удаада база, Тываның Спорт яамызы биле Хаактыг чарыш федерациязы хаак спортунуң профессионалдарын болгаш аңаа ынактарны чалап тур.
Декабрь 3-түң 20.00 шакка чедир Хаактыг чарыш федерациязының www.flgrt.ru сайтызы, федерацияның flg_rt17@mail.ru электроннуг почтазы, азы 89620630123, 89133513806 дугаарларже долгааш, чарышка киржир чагыгны киирип болур.
Маргылдаа 11-ден 50 хар чедир назылыг спортчулар аразынга 12 аңгы назы-хар бөлүктеринге, 2-ден 5 км-ге болуп эртер. Маргылдаалар 10.30-де эгелээр.
Эпидемиологтуг таарымчалыг эвес байдалды өөренип көргеш, Covid-19-ка удур профилактиктиг тарылганы эрткен дугайында шынзыдылгалыг, коронавируска антителалары бар деп түңнел бижии 60 хонук четпээн, азы 3 хонук четпээн анаа ПЦР анализтиг спортчуларны маргылдааже киирерин дыңнатты.
Республиканың Спорт яамызы, Кызыл хоорайның культура, спорт база аныяктар политиказының департаментизи чаа сезонда хууда көргүзүү-биле 1, 2 база 3 дугаар черлер алган тиилекчилерге өртектиг белектерни тыпсыр.