Республиканың информатизация болгаш харылзаа сайыдының оралакчызын томуйлаан
14.10.2021
ТР-ниң информатизация болгаш харылзаа сайыдының оралакчызынга Иосиф Корген-оолду томуйлаан. Ол чурагайлыг инфраструктура база харылзаа айтырыгларын башкарар.
Күрүне албанынге кээр мурнунда, 2017 чылдан бээр «Ростелеком» ПАН-га төлевилелдер менеджери болуп ажылдаан. «Чурагайлыг экономика» национал төлевилелдиң регионга боттаныышкынынга киржип, республикага «Ростелеком» ПАН-ның 80 хире тускай төлевилелдерин ажыглалче киирген. Чурагайлыг эпоха, IT-инфраструктура база харылзаа хөгжүлдезинде, информация камгалалында кадрлар белеткээринге мергежээн.
2015-2016чылдарда программалар хандырылгазын чогаадыр хуу сайгарлыкчы бооп ажылдаан. 2013 чылдан 2015 чылга чедир Тыва Республиканың Дээди Хуралының (парламент) комитет ажыл-чорудулгазын организастаар килдистиң начальниги. 2000 - 2012 чылдарда – Тыва Республиканың Информастыг технологиялар төвүнүң директорнуң оралакчызы, “Тыва КТРК” РКТРК филиалының компьютер хандырылга бөлүүнүң улуг программизи.
Возврат к списку
|