Тыва Республиканың Баштыңы Владислав Ховалыг Россияның Президентизи Владмир Путинниң төрүттүнген хүнү таварыштыр байырны чедирген
07.10.2021
Ооң дугайында ол Интернет шөлүнде социал четкилерде бодунуң арынында бижээн.
-Хүндүлүг Владимир Владимирович! Силерниң төрүттүнген хүнүңер-биле сеткил-чүрээмниң ханызындан, Тыва Республиканың бүгү чурттакчы чонунуң өмүнээзинден байыр чедирип тур мен.
Бүгү российжилерге Силер күштүг лидерниң, мерген-угаанныг болгаш салым-чаяанныг күрүне ажылдакчызының үлегери болуп чоруур силер. Бистиң миллион-миллион хамаатыларывыска менди-чаагай амыдыралды хандырбышаан, чуртувустуң болгаш чонувустуң эрге-ажыктарын чөптүг шынныы-биле камгалап чоруур силер. Президентиниң албан-дужаалынга тургаш, Россияның болгаш ооң чурттакчы чонунуң чаагай чоруу дээш хөй-хөй тиилелгелерни, боттандырыгларны чедип алган силер. Чурттуң чечектелип сайзыраарынга Силерниң киирген үлүг-хууңар үнелеттинмес.
Тывага доктаамал кичээнгей салып, регионнуң эгелекчи саналдарын деткип чоруур силер. Национал төлевилелдерни республикага боттандырганының ачызында инфраструктураларны, девискээрлерни чаагайжыдарының шынары бедип, агро-үлептүр комплекизиниң шапкын хөгжүлдезин эгелеп, хоорайларда болгаш суурларда чуртталганың таарымчалыг байдалдары тургустунуп турар.
Тываны деткип турарыңар дээш, Силерниң-биле чаңгыс командага ажылдаар аргалыг болганывыс дээш, улуу-биле өөрүп четтирип тур бис. Силерге быжыг кадыкшылды, Төрээн чуртувустуң болгаш ооң хамаатыларының менди-чагаай чоруу дээш тургузукчу ажыл-ижиңер үре-түңнелдиг болурун күзедивис!
Возврат к списку
|