Тывада «Спутник лайт» вакцинаның ээлчеглиг кезээ келген

11.08.2021 Тыва чаңгыс катап салыр «Спутник лайт» деп 9500 вакцинаны алган. Чурттуң “ковидке” удур бүдүргени вакциназының 10 муң хире санныг кезээ бо чоокку хүннерде база келир.
9500 кижиге салыр «Спутник лайт» республикада  келген. Республика девискээринде шупту тарылга пунктуларынга тарыышкынны салдырып болур. Бо чоокку хүннерде ам база 10500 доза келирин манап турар бис деп, ТР-ниң кадык камгалал сайыдының албан-хүлээлгезин күүседип турар Анатолий Югай чугаалаан. Эмниң партияда дозазы беш, ынчангаш ону ажыдыптарга, күзелдиг беш кижиге салыр.
«Спутник лайт»-ты COVID-19-тан аарып каапкан ийикпе, азы тарыдып алыксап турар, 18 - 60 харлыг күзелдиг кижилерге салырын. Кадык камгалал яамызы демдеглээн. Бо эмни чаңгыс катап салыр болгаш, вакцина алган кижиге ол-ла хүнде тарыткан дугайында шынзыдылганы бээр.
Август 10-нуң хүнү-биле алырга, Тывада 70196 кижи тарылганың долу курузун эрткен, а 91537 кижи тарылганың бир дугаарын салдырткан.