Тывада аңныыр курлавырларынга өйлээн аң-меңни тодараткан

03.08.2021 Тыва Республиканың Баштыңының 2021 чылдың июль 30-де №258 Чарлыы-биле, 2021 чылдың август 1-ден 2022 чылдың август 2-ге чедир республика девискээринде аңныыр курлавыларының тывыжын өйлээн сан-чурагайны бадылаан.
Эрге-хоойлу медээлериниң http://pravo.gov.ru/ албан езунуң порталында документини долузу-биле салган.
Назы-харының аайы-биле аңнап болур аң-мең аймааның төнчү сан-чурагайын база чарлыкта киирген. Даңзыда буур, сыын, элик-хүлбүс, тооргу, те-чуңма, киш, дырбактыг, адыг база морзук дээн, онза тывыш үнелиг тос дириг амытаннарның ады кирген.
Ол ышкаш аңныыр-тывыш ажыл-агыйлыг девискээрлерде чыдар Тываның кожууннарындан аңнап болур черлерни документиде айыткан.
Тыва Республиканың Экология болгаш бойдус курлавырларының яамызы бо чарлыктың күүселдезин хыналдага алыр.