Шериг албанынче Тывадан 608 оол аъттанган
29.07.2021
2021 чылдың апрель 5-тен июнь 30-ге чедир Тывага эрткен келдириишкин кампаниязының түңнели-биле алырга, Россия армиязының одуруунга шериг албанын эрттирер кылдыр 608 аныяк оолдар аъттаныпкан.
Россияның Камгалал яамызының даалгазы-биле, Тывадан 600 хире кижини кыйгыртыр турган, ындыг болзажок шеригже келдириишкин кампаниязының шиитпирлээни-биле 608 оолдарны чоруткан. Республика ынчалдыр шериг албанынче хамаатылар кыйгыртыр планны бүрүн күүсеткен.
Республикада нарын эпидемиологтуг байдал-биле холбаштыр, Россияның шериг чыылда пунктуларында база өске-даа черлеринде ковидке удур тускай чурумну киирген. Шеригже кыйгыртканнар коронавируска тестини дужаар, оларны маскалар, бахилдар, антисептиктер, идик-хеп болгаш аъш-чем аймаа-биле хандырар.
Шериг кезектеринге чеде берген чаа оолдар база бир эмчи шинчилгезинге хынаткаш, 14 хонуктуң карантинин эртер.
Возврат к списку
|