Тываның Экономика яамызы 2022 чылда акшаландырар күрүне программаларының даңзызын тургускан

28.07.2021 “Ээлчеглиг саң-хөө чылында база планныг үеде Тыва Республиканың республика бюджединиң төлевилелин тургузар база Тыва Республиканың албан медицина камгаладылгазының территориалдыг фонд бюджединиң төлевилелин тургузар чурум дугайында” Тыва Республиканың Чазааның 2016 чылдың июль 7-де №303 доктаалы езугаар, 2022 чылда база планныг 2023 база 2023 чылдарда Тыва Республиканың республика бюджедин ажылдап кылыры-биле, Тыва Республиканың Экономика яамызы 2022 чылда акшаландырар күрүне программаларының даңзызын бадылаан.
Экономика яамызы республиканың ведомстволарынга 2021 чылдың октябрь 1-ге чедир дараазында программаларны ажылдап кылгаш, бадыладырын дыңнаткан:
- Тыва Республиканың Юстиция яамызы – «2022-2024 чылдарда Тыва Республикада эрге-хоойлу культуразын бедидери»;
- Тыва Республиканың Аныяктар херектериниң талазы-биле агентилел – «2022-2024 чылдарда күрүнениң аныяктар политиказының системазын хөгжүдери»;
- Тыва Республиканың Күш-ажыл болгаш социал политика яамызы – «2022-2024 чылдарда даштыкыда чурттап турар чаңгыс чер-чурттугларывысты Тыва Республикаже эки тура-биле көжүп кээринге деткимчени көргүзери»;
- Тыва Республиканың Өөредилге болгаш эртем яамызы:
а) «2022-2024 чылдарда Тыва Республикада чурттап турар хамаатыларга патриотчу кижизидилге»;
б) «2022-2024 чылдарда назы четпээннер ортузунда чурум үрээшкиннеринге удур профилактика»;
- Тыва Республиканың Экономика яамызы:
а) «2022-2024 чылдарда Тыва Республикада биче болгаш ортумак сайгарлыкчы чорукту хөгжүдери»;
б) «2022-2024 чылдарда Тыва Республиканың үлетпүр болгаш инвестиция политиказын хөгжүдери».