Тываның чедери берге кожууннарынче 2079,35 тонна хөмүрнү сөөртүп чедирген

28.07.2021 Тываның 13 кожуунунда, чедери берге 30 суурларында, социал адырның 125 объектилеринге одаар чүүлдү садып, сөөртүп чедирери-биле, 2021 чылдың республика бюджединде 15310 тонна хөмүр хереглелинге 45 540,1 муң рубль хемчээлдиг субсидияны тускайлаан.
Бо неделяның эгезинде, Тыва Республиканың Одалга болгаш энергетика яамызы чедери берге суурларга хөмүр садар кылдыр 41 700,1 муң рубль түңнүг субсидияны, азы планның 90% аңгылап берген. Чедери берге кожууннарже херек кырында 2079,35 тонна хөмүрнү (14%) сөөртүп чедирген:
- Чеди-Хөл кожуун – 103 тонна азы 88% (лимит 117 тонна),
- Каа-Хем кожуун – 694,5 тонна азы 46% (лимит 1 501,5 тонна),
- Барыын-Хемчик кожуун – 409,29 тонна азы 68% (лимит 603 тонна),
- Чаа-Хөл кожуун – 125 тонна азы 78% (лимит 117 тонна),
- Тере-Хөл кожуун – 114 тонна азы 6% (лимит 1 762 тонна),
- Тес-Хем кожуун - 106,56 тонна азы 3% (лимит 3923,5 тонна).
Сентябрьны төндүр арткан сес кожууннарже хөмүрнү чедирер.
2021-2022 чылдың күскү-кышкы үезинге республиканың чылыг-энергетика, чуртталга-коммунал ажыл-агый, социал адыр база орук ажыл-агыйларының 2021 чылдың июль 23-ке ниити белеткели 47% болуп турар: ЧЭК – 48%, ЧКА – 45%, социал адыр объектилери – 50%, орук ажыл-агыйы – 45%.
Суг хандырылгазының дараазында бүдүрүлгелери септелге ажылдарының графигинден озалдап турар: Бай-Хаак суурда «Бай-Хаак суг» КХН: 30 хуу планын 27,8% кылган, Чаа-Хөл суурда «Чаа-Хөл суг» МУБ-туң белеткели – 21,5% (планы 30%) база Ак-Довурак хоорайның ЧКА МХБ: 40% планын 9,7% кылган. Шагаан-Арыг хоорайда чуртталга фондузу 40 % планын 20% чедирип, ажылдар планындан чыдып каан.