«Ачы-буянның дээрбээ» фонд аар өртектиг эмнерни тыва уругларга тускайлаан

23.07.2021 Амы-тынга онза айыылдыг болгаш хоочураан аарыгларлыг уругларны деткиир “Ачы-буянның тырыкызы” фонд ховар таваржыр берге аарыгларлыг уругларга Нусинерсен биле Рисдиплам деп аар өртектиг эмнерни тускайлап бээрин шиитпирлээн. Тывада ол эмнерни алыр ийи бичии кижи бүрүткеттинген.
Россияда “Ачы-буянның тырыкызы” фондуну аар-берге болгаш амы-тынга айыылдыг база хоочураан боорда, ховар таваржыр аарыгларлыг уругларга дузалаары-биле тургускан. 2021 чылдың январь 5-те Россияның Президентизи Владимир Путин ону тургузар дугайында чарлыкка атты салган.
Фонд муң-муң чаштарга херек аар өртектиг, амдыызында Россияда бүрүткеттинмээн эмнерни садып алыр ажылдарны чорудуп турар.
Чылда беш миллион рубль акшадан хөй орулгалыг хамаатыларның үндүт төлевиринден акша-хөреңги “Ачы-буянның тырыкызы” фондуже кирип турар.