«Ыжык аарыглары-биле демисел» төлевилел-биле Тывада эмигде ыжык аарыгларын эге чадазында илередип турар

23.07.2021 “Кадык камгалалы” национал төлевилелдиң “Ыжык аарыглары-биле димисел” төлевилел чорудуу-биле, республиканың онкология диспансери чаа эмчи дериг-херекселдери-биле четчелеттинип турар.
Иштики органнарда база системаларда ыжыктарны компьютерлиг томографка эге чадазында илередип, ыжык аарыгларының гистологтуг диагностиказын кылып, чаа эмнер-биле амгы үениң химиотерапиязын, херел терапиязын эрттирер бүгү-ле эптиг байдалдар бөгүнде тургустунган.
Республиканың онкология диспансери национал төлевилелге киришкениниң ачызында, 2021 чылдың бирги чартыында 42 херээженниң эмиинде ыжыкты тыпкан, а эрткен бүдүн чылда 50 ажыг кижи (2018 – 51, 2019 – 52, 2020 – 52). Аарыы элээн ханылаан кижилерниң саны көвүдээн: бо чылдың чүгле 6 айында – 17. 2018 чылдың дургузунда – 10, 2019 чылда– 14, 2020 чылда – 18 аарыг кижини илереткен.
Эмигде ыжыкты эге чадазында тыпканындан, аараан таварылгаларның саны көвүдеп турары билдингир. Ынчан эмнээшкинни үе шаанда эгелээнинден, аарыгны тиилеп алыр арга тургустунар. Херээжен чонувус боттарының кадыынга хумагалыг болуп, профилактиктиг шинчилгелерни үе шаанда эртип турар болза, ыжык аарыгларын илередип тыварынга улуг ужур-дузалыг деп, Тываның эмчилери демдеглээн.