Тывада уруглар садтарының кижизиттирикчилериниң аразынга Тыва Арат Республиканың 100 чылдаанынга тураскаадып, “Мээң Тывам” деп шүлүк мөөрейи чарлаттынган
26.07.2021
Тываның Өөредилге болгаш эртем яамызы назы четпээн өөредилге албан черлеринде салым-чаяанныг уругларны илередип, деткивишаан, хоочуннарга кичээнгейлиг, энерел сеткилдиг болгаш хүндүткелдиг болурун, төрээн чуртунга ынакшылды болгаш ооң эрткен төөгүзүнге чоргааралды кижизидер сорулга-биле, Тыва Арат Республиканың тургустунганындан бээр 100 чыл болганынга тураскаадып, “Мээң Тывам” деп уран номчулганың республика мөөрейин чарлаан.
Мөөрей назы четпээн өөредилге албан черлериниң ортузунга 2021 чылдың июльдуң 28-тен август 14-ке чедир болуп эртер.
Республика чергелиг мөөрейже материалдарны – шүлүк номчаан видеороликти Инстаграм, Вконтакте социал четкилерге #МояТува100летТНР деп мөөрейниң хештегин салып, киириштирер.
Мөөрейге киржир ажылдарга – бичии киржикчиниң ат-сывын, уруглар садының адын, кожуун, хоорайын, удуртукчузунуң ат-сывын айтып, бижиир.
Тыва Республиканың Өөредилге болгаш эртем яамызы мөөрейниң тиилекчилерин хүндүлел бижиктер-биле демдеглеп, шаңнаар.
Возврат к списку
|