Республика девискээринде чаа коронавирус талазы-биле санитар-эпидемиологтуг байдал

Россияның хереглекчилер эргелерин камгалаар болгаш хайгаараар албанның Тыва Республикада эргелелиниң дыңнатканы-биле алырга, лабораторлуг шинчилел түңнели-биле коронавирус халдавырындан чаа аараан 6 кижини май 26-да бүрүткээн. 

2021 чылдың январь 1-ден бо хүнге чедир 1124 халдавырны лаборатория бадыткаан. Бо хүнде стационарлыг эмнээшкинде 81, эмчи хайгааралында (бот-хоргадалда) 411 кижи бар. 

Эрткен чылдың мартта айыылдыг халдавыр эгелээнден бээр, республикада 200, а бо чылдың эгезинден – 28 кижи чок болган. 

Чаа коронавирус халдавырынга удур тарыышкынны тускайлаан пунктуларда кылып турар. Боттуң болгаш чоок кижилериниң кадыкшыл байдалынче онза кичээнгейни салып, аргалыг болза тарылганы салдырып алырынче чонну ТР-ниң Кадык камгалал яамызы биле Роспотребнадзор кыйгырып тур.