2021 чылда күрүнениң түңнел аттестациязын чедимчелиг эрттирер айтырыгларны чугаалашкан
27.04.2021
Апрель 26-да республика чазааның аппарат хуралында, 2021 чылда республика девискээринге күрүнениң түңнел аттестациязын эрттирерин чугаалашкан.
Өөредилге болгаш эртем сайыды Солангы Тамчай 11 база 9 класстарга КТА-ны эрттирериниң хуусаалары база чуруму өскерилгенин, өөредилгениң шынарын бедидирер база доозукчулар аттестацияны чедиишкинниг эрттирер хемчеглериниң, айыыл чок чорукту хандырарының, доктаамал электри чырыының, автотранспорт-биле аай-дедир аргыжылганың кандыг болурун илеткээн.
11 класстың түңнел аттестация баазазын хевирлээри 2012 чылдың февраль 1-де, а 9-ку классчыларның март 1-де доозулган. 11 класстарның түңнел аттестациязын 3237 кижи 28 шылгалда пунктуларынга дужаар. А 9 класстың 5326 доозукчу 30 ППЭ-ге аттестацияны эртер.
Росхереглел хайгааралы база Росөөредилге хайгааралының сүмелээни-биле, шылгалда дужаар черге чедир аргыжылганың айыыл чок чоруун хандырарынче кичээнгейни салыр.
Тываның Баштыңы албан-хүлээлгениң түр када күүседикчизи эрткен чылгы частырыгларын катаптавазы-биле ведомстволар аразының хемчеглерин штаттыг чурумга ажылдап кылырын айыткан. Владислав Ховалыг шылгалдаларны чогуур деңнелге белеткеп организастаар кылдыр яамылар удуртукчуларынга даалгаларны берген.
Өөредилге яамызы чаа коронавирус халдарывынга удур арга-сүмелерни удуртулга болдуруп, түңнел аттестацияны эрттирер. Орук-транспорт яамызы муниципалдыг тургузуглар яамызы-биле кады өөреникчилер аргыштырар маршруттарның оруун хыналдага алыр. ТР-ниң хамааты камгалал болгаш онза байдалдар яамызы суг кежиглеп чоруур доозукчуларның база оларны үдеп чоруур кижилерниң айыыл чок чоруун хандырар.
ГИА-2021-ниң чиге хуусааларын, негелделерин болгаш онзагай талаларын Өөредилге болгаш эртем яамызының сайтызында дараазында шөлүлгеден көрүп болур: https://monrt.rtyva.ru/index.php/ru/
Возврат к списку
|