Тыва Республиканың баштыңының албан-хүлээлгезин күүседип турар Владислав Ховалыг РФ-тиң чырыдыышкын яамызының удуртукчузу-биле ужуражыр
21.04.2021
Апрель 21-те, Тываның Баштыңының албан-хүлээлгезин күүседикчизи Владислав Ховалыг Россия Федерациязының чырыдыышкын сайыды Сергей Кравцов-биле республиканың өөредилге системазында чугула айтырыгларны сайгарып чугаалажыр.
Республика чайгаар өзүп көвүдээриниң көргүзүү-биле ортумак российжи көргүзүгден ийи катап бедик деңнелде болгаш, школаларда өөреникчилерниң саны нормадан ажып турары – кол чидиг айтырыг. Чыл санында 3 муң ажыг кижи немежеп, чоннуң саны 1 хуу көвүдеп турар. Ынчангаш өөреникчилерниң үлүү база өзүп, чыл санында-ла 1500 ажыг кижиге немежип турар. Республикада 57,7 муң өөреникчи санынга санаан 173 школада бо хүнде 69,6 муң уруглар өөренип турар.
173 школаның 98-и көдээ суурларда болгаш, чоннуң күжү-биле туттунган, үениң негелдезинге дүүшпес. 32 школаны аргажок эргижирээн тудуг деп санаан. Амгы хөгжүлде программазы-биле 2025 чылга чедир 3 школа туттунар.
Амгы үеде регионга: Кызыл хоорайга, Кызыл кожууннуң Каа-Хем биле Сукпак суурларга, Таңдының Балгазынга чаа школалар херек.
РФ-тиң Чазааның курлавыр фондузундан 2020 чылда ЛДО-да 825 олуттуг школа база 280 олуттуг 2 уруглар садының объектилерин доозарынга 297,7 млн. рубль хемчээлдиг немелде акшаландырыышкын деткимчезин регионга бергенин сагындыраал.
Возврат к списку
|