2021 чылдың март 1-ден Моол-биле кызыгаарны мал-маганга чем сөөртүрүнче ажыткан
11.03.2021
Россия-Моол кызыгаар таварты аргыжылганы бөдүүнчүдер дээш, кызыгаар эрттеринге база чүък автотранспортунуң шимчээшкининге чаа чурумнарны моол тала доктааткан.
Март эгезинден "Хандагайты-Боршоо" хыналда-эрттирилге пунктузу таварты айның ийиги болгаш дөрткү четверигинде мал-маганга янзы-бүрү чем аймаан база кывар-чаар чүүл сөөрткен чүък транспортун эрттирерин чөпшээрээн.
Тыва чылдың-на Моолче көдээ ажыл-агый продукциязын киир сөөртүп турарын сагындыраал. ТР-ниң Көдээ ажыл-агый болгаш аъш-чем яамызының медээзи-биле алыргап, республикадан үндүр сөөрткен экспорттуң хөй кезиин (75 хире хуузу) белен мал чеми болуп турар. Тываның Таңды база Чаа-Хөл кожууннарда тараажы улуг ажыл-агыйлар продукциязын үндүр садар.
2020 чылда Моолдуң тыва талазында кызыгаарын дуглапкан болгаш, мал чемин болгаш аъш-чем продукциязын Бурят Республика таварты демир-орук транспорту-биле чедирип турган.
Возврат к списку
|