Медээлер

16.05.2023 Тываның Баштыңы ат-алдарлыг башкы Елизавета Боракаевна Салзынмааның мөчээни-биле кажыыдалын илереткен.

Тыва АССР-ниң алдарлыг башкызы, Улус чырыдыышкынының тергиини Елизавета Боракаевна Салзыңмаа 93 харлап бар чорааш мөчээн.

16.05.2023 Тываның Баштыңы Владислав Ховалыг Кызыл хоорай девискээринде болгаш Каа-Хем суурда туттунуп турар объектилерни хынаан

Республика девискээринде тудуг ажылдары кидин түлүк. Тываның Баштыңы Владислав Ховалыг 600 ажыг кижилерни хаара туткан Кызыл девискээринде элээн каш объектилерге чедип, ажылдың темпизи кайы хире чоруп турарын хынаан. 

16.05.2023 Тывада «Улусчу картофель» губернатор төлевилелиниң киржикчилеринге ногаа культуразының үрезиннерин үлеп эгелээн

Төлевилел негелдези-биле, хөй ажы-төлдүг өг-бүле бүрүзү 50 кил картошка үрезини биле “борщ хайындырар” ногаалар үрезиннерин алыр.

16.05.2023 Кызылга «Россияның регионалдыг брендилери – өзүлдениң чаа точкалары» өөредилге семинары эртер

Тыва бүдүрүкчүлер боттарының брендизин камгалаары-биле бодунга продукциязын канчаар бүрүткедириниң талазы-биле өөредилгени алыр.

15.05.2023 Тывада одалга сезону доозулган

Бөгүн, майның 15-тен, Тываның төп одалга системалыг суурларының хөй кезиинде одалга сезону доозулган. 

15.05.2023 Тывада «Чылдың өг-бүлези» регион мөөрейиниң тиилекчилерин шаңнап мактаан

Бөгүн, Делегейниң Өг-бүле хүнүнде, Кызылга “Чылдың өг-бүлези” бүгү-российжи мөөрейниң ренион чадазының тиилекчилерин шаңнаар байырлыг ёзулал болуп эрткен. 

15.05.2023 Росхереглелхайгааралының Тывада эргелели Лайманың аарыын чыпшырган бирги таварылганы бүрүткээн

Таңды кожууннуң Кочетво суурнуң чурттакчызы май 11-де ханынга антитела анализи дужааган соонда, Лайма аарыы азы вирустуг саргы боррелиозундан аараанының бирги таварылгазы билдинген. 

15.05.2023 Тываның чер ажылдыглары часкы хову ажылдарынче кирген

Тываның Каа-Хем, Чеди-Хөл база Таңды кожууннары часкы тарылгаже кирген. Майның 12-ниң хүнү-биле алырга, 660 гада тараа культураларын, азы планның 1,6 хуузун, 100 гада - арбайны, 240 гада – кызыл-тасты тараан.

13.05.2023 Тывада мал оолдаашкыны адакталган

Республиканың үш кожуунунда шээр малдың массалыг оолдаашкыны адакталып турарын регионнуң Көдээ ажыл-агый болгаш аъш-чем яамызы дыңнаткан.

13.05.2023 Узбекистанга эрткен делегей фестивалынга тыва тоолчунуң уран чүүлүн бедии-биле үнелээн

Тыва хөөмейжи Эрес Сандан Узбекистанга эрткен III делегей чергелиг бахши фестивалынга тиилээн. 

13.05.2023 Тываның Баштыңы республиканың хамааты камгалал болгаш онза байдалдар албанының удуртукчузун томуйлаан

Тываның Баштыңы Владислав Ховалыг майның 13-түң аппарат хуралында чаа томуйлаашкын дугайында дыңнаткан. 

13.05.2023 Тывада мал кадарарының чурумун үрээннерге харыысалга онаарының хемчеглерин шыңгыыраткан

Сагындырып турзажок, малын хайгаарал чокка салыпкан мал-маган ээлери-биле ажыл Тывада чоруп турар. Корум-чурум камгалакчыларының дыңнадыы-биле алырга, малын хостуг салып чорда чиде бреген азы оорладып алган таварылгалар хөй таваржып турар.

13.05.2023 Тывада кемниг херектер үүлгедиишкиннери чавызаан

Тываның Чазаанга албан черлериниң чөвүлел хуралынга 2023 чылдың баштайгы үш айында республиканың девискээринге кемниг херектер үүлгедиишкининиң байдалын сайгарып чугаалашкан.

12.05.2023 Ирек Файзуллин Тыва Республиканың баштыңы Владислав Ховалыг-биле ажыл-агыйжы ужуражылганы эрттирген

Россия Федерациязының тудуг болгаш чуртталга-коммунал ажыл-агый сайыды Ирек Файзуллин Тыва Республиканың баштыңы Владислав Ховалыг-биле ажыл-агыйжы ужаражылганы эрттирген.

12.05.2023 Тыва кыдат инвесторларга бодунуң төлевилелдерин таныштырган

Май 11-де, Москвада «Парк Хуамин» кыдат ажыл-херек төвүнге, Тыва инвестиция курлавырын таныштырган. Тываның Чазаа «Ажыл-агыйжы Россия» хөй-ниити организациязы-биле «Енисей Сибири» хөгжүлде корпорациязының деткимчезинде, Россия Федерациязында Кыдат Улус Республиканың элчин черинге ук хемчегни организастап эрттирген.

12.05.2023 Тыва үүрмек садыглаашкын саарылгазын өстүргени-биле Россияда ийиги черже үнген

Тыва бирги кварталда үүрмек садыг-саарылганы 4,6 хууга өстүрген. 2022 чылдың январь-мартка деңнээрге, үүрмек садыглаашкын 5 хуу өзүп, республика ол көргүзүг талазы-биле Алтайның соонда, чуртта ийиги черни ээлээн.

12.05.2023 Тывада арга-арыгны катап тургузары-биле 240 муң ажыг дөс хадыны олуртур

Тываның арга-арыг таңныылдары арга-арыг катап тургузуушкун ажылдарынче бөгүн үнүп эгелээр. «Экология» национал төлевилелдиң «Арга-арыг камгалалы» федералдыг төлевилел күүселдези-биле садып алганы 2300 ажыг дөс хады өзүмнериниң бирги партиязы республикада чедип келген. 

11.05.2023 Тывада өртке удур онза чурумну май 31-ге чедир узаткан

Чурттакчылыг черлерде база өнчүнүң аңгы-аңгы хевириниң объектилеринде өртке удур камгалалды быжыглаарынга, өрт айыылын чавызадырынга, бойдус болгаш техногенниг улуг өрттерни болдурбас дээш, апрельдиң 20-ден май 31-ге чедир өртке удур чурумну узадырын шиитпирлээн доктаалды регионнуң эрге-чагыргазы хүлээп алган.

11.05.2023 Красноярскиниң филармониязы тыва композиторлар Ростислав Кенденбильдиң база Хүреш-оол Дамбаның чогаадыкчы ажылдарының төлевилелин эгелээн

Красноярск филармониязы Президентиниң культурлуг инициативалар фондузунуң деткимчези-биле, Ростислав Кенденбильдиң 100 база Хүреш-оол Дамбаның 80 харлаанынга тураскааткан “Эне-Сайның симфониязы” хөгжүм өнчүзү” төлевилелди боттандырып эгелээн. 

11.05.2023 «ЗаБег.РФ» бүгү-российжи чартык марафоннуң Тывада киржикчилерин бүрүткеп эгелээн

Бо чылын «ЗаБег.РФ» бүгү-российжи чартык марафонну июнь 4-те чеди дугаар эрттирер. Тываның Спорт яамызының спортчу хемчеглер эргелели 1, 5, 10 база 21,1 км хемчээлге маңнаар күзелдиг шупту кижилерни чалаан.