Тываның Баштыңы ажылчын сургакчылаашкын-биле Москвада
27.10.2020
Тываның Баштыңы Шолбан Кара-оол октябрь 26-да ажыл албан аайы-биле Москва хоорайда чеде берген. Республика хөгжүлдезиниң бот-тускайлаң программазының айтырыглары-биле ажылдаарын ол дыңнаткан.
«РФ-тиң Чазаа бадылаан-даа болза, федералдыг яамылар база ведомстволарга тодарадылгаларны, чөпшээрежилгелерни, немелде шиитпирлерни чедип алыр дээш доктаамал ажыл негеттинер деп, чаңгыс эвес катап демдеглээн мен. Чыл төнчүзүнде, ылаңгыя бо үеде, РФ-тиң бо чылда бюджедин төндүрүп турда, бирээде, кызырылдаларны база чидириглерни болдурбас, ийиде, келир чылдың бюджедин хевирлеп турда аңаа турары чугула. Чаңгыс сөс-биле чугааларга, бистиң программавыс – айыылдан чайладып, камгалап, кезээде кады чоруур төлүвүс деп болур. Ол ындыг болур ужурлуг-даа, чүге дизе чазак командазының ажылының чарылбас бир кезээ-дир” – деп, Тываның Баштыңы бодунуң блогунда бижээн.
Россияның Коммуникация болгаш харылзаа яамызынга база Ростуризмге ажылдар планнаттынган.
Возврат к списку
|