Россияның Чазаа арга-арыг өрттерин болдурбас база оларны өжүрер ажылдарже Тывага 88,7 млн. рубльди тускайлаан

Россияның Чазааның 2020 чылдың июль 18-те айтыышкыны езугаар, РФ-тиң курлавыр фондузундан арга-арыг өрттери-биле демисежир ээлчеглиг саң-хөө дузазын Тыва Республикага үндүрген. 

 52 млн. 337,1 рубльди арга-арыг өрттерин өжүреринче тускайлаан. Арга-арыгның авиа-хайгааралынче көрдүнген 36 млн. 456,2 рубль-биле 497,3 шакта ужудуп болур. 

Тываның Баштыңы Шолбан Кара-оол республиканың Бойдус болгаш экология яамызынга тайга-даксылды болгаш арга-арыгны камгалаары-биле профилактиктиг хемчеглерни шыңгыырадырын дааскан. 

«Арга-арыгже кирер черлерде доскуулдарны тургузуп, арга-арга кокпаларын изеп, дилиндектерни чарып, суг баштарын аштап, чон ортузунда тайылбыр ажылын чорудуп турар бис. Ооң ачызында арга-арыгга база кижи чедери берге черлерге өрттер саны кызырылган. Ажылды ам-даа уламчылаар херек» - деп, Тываның Баштыңы демдеглээн.