"Yстүү-Хүрээ" фестивальдың киржикчилери — Хороо езулалында

Чадаана хоорайның чанынга июль 17-ниң дүнезинде «Yстүү-Хүрээ» 15-ки Бүгү-делегейниң дириг хөгжүм болгаш чүдүлге фестивалы эгелээн. Бо чылын фестивальга Дубнодан стартты алган «МузЭнергоТур» хөгжүмчү десантылар доктаап, оруун уламчылаар. Аалчыларның санында Аллен Маршаллдың «Сан ра Аркестр» сураглыг бөлүүн манап турар.

Фестиваль эки ажылдардан – Сарасвати (Yстүү-Хүрээ хүрээниң девискээри) субурганның тудуун доозары болгаш хүрээниң чоок-кавы девискээрин аштап-арыглаары-биле экологтуг акция-биле эгелээн.

Кежээки үеде Чадаананың стадионунга «Бии-Хемниң өг комплекизи» төлевилелдиң таныштырылгазы болгаш дүнеки онза үе эрттирилгези (джем-сейшн) болган. Июль 19-та «Yстүү-Хүрээ» 15-ки Бүгү-делегейниң дириг хөгжүм болгаш чүдүлге фестивалының ажыдыышкыны ооң лидерлериниң (хедлайнерлер) киржилгези-биле болур. Ол хүн фестивальдың алаагынга Найырал одаа-биле доостур.

Хороо езулал-чыскаалы июль 20-де болур. Киржикчилер фестиваль алаагы – Алдыы-Хүрээ – Yстүү-Хүрээ хөй километр хемчээлдиг маршрут-биле эртер. Сарасвати субурганның ажыдыышкыны база болур.

Улуг-хүнде, июль 21-де, эрттирикчилерниң планы езугаар «Yстүү-Хүрээ фестивалы – девискээрниң болгаш туризмниң болуушкун хөгжүлдезиниң барымдаазы» деп «төгерик стол» болур. Ол дээрге 15-ки фестивальдың лауреаттарын чарлаар болгаш Гала-концерт биле түңнел Сактыышкын одааның болур хүнү-дүр.