Тыва Республикада коронавирус талазы-биле апрель 2-де эпидемиологтуг байдал

2020 чылдың апрель 2-де 12.00 шакта Роспотребнадзорнуң ТР-де эргелели биле ТР-ниң Кадык камгалал яамыларының берген медээзи: Тыва Республиканың девискээринде “коронавирустуң чаа халдавырындан аараан” деп лабораторияга бадыткаан чаңгыс-даа таварылга чок.

 Республиканың халдавырлыг аарыглар эмнелгезинге, январьның 27-ден тура COVID-19 аарыы нептерээн девискээрлерден келген, респираторлуг аарыглыг 38 кижини чыттырган. 

Лабораторлуг шинчилелдер-биле харыызы эки болган 21 кижини үндүр бижээн. Бөгүнде халдавырлыг аарыглар эмнелгезинде 17 чыдар.

 COVID-19 аарыын киирип нептеретпес дээш республиканың эмнелге организацияларында 37 кижи хынадып чыдар, ооң иштинде: 

«Бай-Тайганың ТКЭ»– 4, 

«Барыын-Хемчиктиң КЭТ» – 4, 

«Эрзинниң ТКЭ» – 3,

 «Чеди-Хөлдүң ТКЭ» – 2, 

«Улуг-Хемниң» КЭТ – 5, 

Чөөн-Хемчиктиң КЭТ – 2. 

Респираторлуг аарыг чок 17 кижи обсервацияда хыналдада. Карантин соонда 4 кижини үндүр бижээн. Шуптузунуң анализтери эки. 

Коронавируска удур 1177 лабораторлуг шинчилелди чоруткан, сөөлгү хонукта 155 пробаны алган. 

«Ак» биле «Шивилиг» постуларда автотранспорттуг республикаже кирип турарларның эъдиниң изиин хынаар санитарлыг хыналданы организастаан. Кызыл хоорайның аэропортунда санитарлыг зонаны база эмчи пунктузун тускайлаан. Ужуп келген пассажирлерни хынап, анкетаны долдуртуп турар.