Тываның Баштыңы РФ-тиң Спорт яамызынга спорт комплекизиниң тудуун акшаландырарын чугаалашкан

Март 19-та оралакчы сайыт Одес Байсултанов-биле тудугга субсидия бээриниң аргазын чугаалашканын бодунуң блогунда бижээн. 

«РФ-тиң спорт сайыдының оралакчызы Одес Хасаевич Байсултанов-биле, Чечен республиканың чазааның даргазы бооп ажылдап турда-ла, таныжар бис. Регион эрге-чагыргаларының айтырыгларын ол дыка эки билир. Тываның спортчу инфраструктуразынче акша салыышкынын киирер арганы чугаалажып көрдүвүс. Каа-Хем суурда спортчу-культура төвүнүң тудуун доозарын база” – деп, ол дыңнадыында бижээн. 

Амгы үеде спортчу-культура төвүнүң тудуу 60 хуу кылдынган. Ам оран-саваже инженер четкилерин шөйери-биле холбашкан ажылдарже кол чарыгдалдар үнер. 

Тудугнуң ниити шөлү 25 муң ажыг дөрбелчин метр. 4,5 муң хире кижиге санаттынган улуг трубиналыг республикада эң хөй көрүкчүлер хүлээп алыр объект болур. Спортчу аренаның хемчээли – 65 х 42 метр. Ону 24 - 24 метр кылдыр, ийи шөлге чарган. Хары угда волейбол, баскетбол, теннис болгаш хүреш маргылдааларын эрттирер шөлдерлиг. 

СКТ-ниң чоок кавы девискээринге 1086 автомашина тургузар шөлдү тудар. Ол ышкаш чаагайжыттынган маңнаар оруктарны болгаш спортчу шөлдерни база кылыры планнаттынган.