Тываның Баштыңы Кызыл – Абакан аразында чаа авиарейстиң ажыттынганы-биле чаңгыс чер-чурттугларынга байыр чедирген

«Бөгүн Абакан-Кызыл аразынга аварейстиң бирги ужудуушкуну болган. Чүък чокта 1000 рубльдан, чүъктүгде 2,8 муң рубльдан ашпас таарымчалыг өртектиг ужудуушкуннарны ам доктаамал чорудар. ССРЭ дүшкен үеден бээр ындыг рейстер турбаан. Ынча чылдар эрткен соонда ам катап ужудуп эгелээн! Чаңгыс чер-чурттугларымга база Хакасияда кожаларывыска байырны чедирдим! Автомашинага 5-6 шак чоруп кээр турган болзувусса, ам 1 шак 20 минута болгаш ужуп чеде бээр. Самолёт Абакандан ыңай Красноярскиже ужуп чоруптары база эки. Пассажирлерге-даа таарымчалыг, рейс дола бээр болгаш, авиакомпанияга-даа эки. Маршрутту арттырып алырының эң-не эки магадылалы ол» - деп, бижээн. 

«КрасАвиа» авиакомпания чаа угланыышкынныг рейсти Л-410 самолет-биле кылып турар. Самолет неделяда үш катап —понедельник, среда и пятница хүннеринде ужар. Тыва бо үеде Россияның беш хоорайлары – Москва, Красноярск, Иркутск, Новосибирск база Абакан-биле агаар аргыштырылгазын чорудуп турар. Бо чылын Томскиже рейс немежир. 

РФ-тиң Чазааның 2013 чылдың декабрь 25-те “Россия Федерациязының территориязында пассажирлерниң регион агаар аргыштырылгазын чорударынга агаар транспортуг организацияларга федералдыг бюджеттен субсидияларны бээр база регионнуң маршрут четкизин хевирлээр дугайында” № 1242 доктаалын күүседири-биле-биле «КрасАвиа» Абакан – Кызыл – Абакан маршруттуг регионнар аразының авиарейизин ажыткан. 

2020 чылда ук маршрутка шупту 16 029,8 муң рубль түңнүг субсидияны тускайлаан: 

– федералдыг бюджеттен – 6 251,6 муң рубль (39%);

 – Тыва Республика бюджединден – 4 889,1 муң рубль (30,5%); 

– Хакас Республика бюджединден - 4 889,1 муң рубль (30,5%). 

«Турболет» L410 агаар суднозу неделяда үш катап (понедельник, среда, пятница) Кызылдан Абаканче база дедир угланыышкынныг рейстерни ужудар.