Тыва кадык камгалалында бирги звенону чаартырынга белеткенип эгелээн

Кадык камгалалының бирги звенозун чаартыр регион болгаш федералдыг программаларын ажылдап кылыр дээш, эмнелге организациязының паспорттарын долдурар пунктуда медээлери-биле 80 хуу ажыг күүседипкен эң идепкейлиг он регионнуң санынче Тыва кирген. 

 Медээлерни долу кылдыр долдурарынга хуу эмнелге организацияларының идепкейи база херек: регион төлевилелдерин хынаарда, күрүне секторунуң эмнелге организациялары-биле деңге, оларның көргүскени эмчи ачы-дузаларының хемчээлин болгаш хевирлерин база санаар. 

Республиканың Кадык камгалал яамызы бирги звенону модернизастаар төлевилелди ажылдааш, ону боттандырар талазы-биле айтырыгларлыг хуралче хуу эмнелге организацияларының удуртукчуларын чалап, бөгүнде оларның көргүзүп турары эмчи ачы-дузазының хемчээлин база шынарын күрүне хайгаарап турарын демдеглээн.  

Роскадык камгалал хайгааралының Тыва Республикада девискээр эргелелиниң удуртукчузу Олчанай Шоюн хуу эмнелге организациялары паспортту албан долдурарын дыңнадып, ол пунктуну хуу эмчи кабинеттери база организациялар ажыдырда чөпшээрел алыр негелделер даңзызында кииргенин сагындырган. К

адык камгалал сайыдының бирги оралакчызы Аэлита Кажин-оол ол ажылды үезинде чорудары-биле, хуу эмнелге организацияларынга тайылбыр бээр шөлчүгештерни Медицинаның информастыг-аналитика төвүнүң баазазынга берип болурун чугаалаан.  

Албан медицина камгаладылгазының системазында кирген 15 хуу организациядан чүгле ийизи бо хүнде паспортту долдурган болуп турар. Хуу организация АМК системазында кирген болза, аарыг кижилерге халас эмчи дузазын көргүзүп болуру ол деп, сагындырган.