Тываның Баштыңы ажыл-албан аайы-биле Моолда чоруп турар

24.10.2019

Тываның Баштыңы Шолбан Кара-оол октябрьның 23-тен 26-га чедир ажыл-албанының аайы-биле Моолга турар.

Октябрь 23-те барган дораан, Дорногоби аймактың Сайншанд хоорайга четкеш, улаштыр Зуунбаян сумуга баар. Аңаа демир-орук тудар ажылдарда шериг кезектерин көрүп, оларның ажыл-агый ажыл-чорудулгазы-биле таныжар.

Тываның Баштыңы Шолбан Кара-оол Зуунбаян сумудан Алтанширээ сумуже үнгеш, автомобиль, демир-орук, чырык дамчыдар шугумнар тудугларын көрүп, нефть болбаазырадыр инфраструктура объектилери-биле таныжар.

Октябрьның 24-25 хүннеринде Моолдуң найысылалы Улан-Баторга ажылдаар. Аңаа Моолдуң президентизи Халтмаагийн Баттулга-биле ужуражыр.