Тыва Республиканың күрүне программаларын күүсеткениниң түңнелдери

2019 чылдың октябрь 8-те Тыва Республиканың Чазааның хуралынга “2019 чылдың бирги чартыында Тыва Республиканың күрүне программаларын күүсеткениниң дугайында” айтырыгны база 2019 чылдың 9 айларында Тыва Республиканың күрүне программаларын күүсеткениниң баш бурунгаар түңнелдерин чугаалажып көрген. 

2019 чылда Тыва Республиканың 38 программаларын, ооң 36-зы күрүне программалары; 2-зи – регион программазы (2013-2019 чылдарда аварийлиг чуртталга фондузундан хамаатыларны өскээр көжүрер республиканың адрестиг программазы, 2014-2043 чылдарда Тыва Республиканың девискээринде хөй аалдыг бажыңнарда ниити эт-септиң капитал септелгези) боттандырган. 

2019 чылдың 9 айында күрүне программазы-биле чылда акшаландырыышкынның (29 835,759 млн. рубль) 61,5 хуузун азы – 18 343,419 млн. рубльди шиңгээткен. 2018 чылдың ол-ла үезинде, ол чылын көрдүнген 26 250,344 млн. рубльдиң 65,4 хуузун азы 17 156,962 млн. рубльге күүсеткен. Ынчап кээрге, эрткен чылдың ол-ла үезинге деңнээрге, акшаландырыышкын 6,9 хуу хөй. 

2019 чылдың 9 айында экономиканың боттуг кезээн хөгжүдер 17 программа ажылдаан. Экономика адырының программаларынче чылда көрдүнген (9 857,464 млн. рубльдиң) акшаның 55,7 хуузун, азы 5 489,421 млн. рубльди шиңгээдип алган. 2018 чылдың ол-ла үезинде экономика адырында 18 программаның хемчеглерин боттандырар кылдыр 5 216,834 млн. рубльге азы, көрдүнген 8 019,679 млн. рубльди 65,1 хууга боттандырган. 

2019 чылдың 9 айында социал адырны хөгжүдер 17 программаны боттандырган. Социал адыр программаларынче ниитизи-биле 19 978,295 млн. рубль көрдүнген, ону 64,3%, азы 12 853,998 млн. рубльге акшаландырган. 2018 чылдың ол-ла үезинде экономика секторунуң программалары 18 230,665 млн. рубльди шиңгээдир тургаш, 65,5 хуу, азы 11 940,127 млн. рубльге күүсеткен. Тыва Республиканың Экономика яамызы