Путинниң дыштанып турар чери Тыва дээрзин регионнуң Баштыңы бадыткаан
08.10.2019
Facebook социал четкиде салган видеода президент Владимир Путинниң дыштанып турары Сибирь тайгазы Тыва дээрзин, Тываның Баштыңы Шолбан Кара-оол бодунуң арынында бадыткаан.
Понедельникте В.В. Путин 67 харлаан. Бир хонук бурунгаар ол Сибирь тайгазынга дыштанып, күскү агаар-бойдусту чарашсынып көрген деп, ооң парлалга секретары Дмитрий Песков дыңнаткан. Владимир Владимирович Путин төрүттүнген хүнүн чоок кижилери-биле агаарлап эрттирер бе дээн РИА Новостиниң айтырыынга, Песков чок деп харыылаан. Владимир Путин камгалал сайыды Сергей Шойгу-биле кады Сибирьниң күскү агаар-бойдузун чарашсынып, дагларда кылаштап чоруурун видеода тырттырган.
Роcсийжи күрүнениң баштыңы 2018 чылда, шөлээзиниң үезинде, база Тывага кээп чораан. Ынчан Саян-Шушенск заповеднигиниң директору Геннадий Киселёв, Шолбан Кара-оол, Сергей Шойгу база ФСБ директору Александр Бортников президент-биле кады хемге хемелеп, даглар үнүп, каттап чорааннар.
2017 чылдың августта, президент Сибирьге ийи хонук доктааган, суг иштинге аңнап, даг хөлдеринден балыктаан. Ынчан ону Сергей Шойгу, Шолбан Кара-оол база Хакасияның ол үеде баштыңы Виктор Зимин үдеп чораннар.
ria.ru
Возврат к списку
|