Тываның Баштыңы Кореяның фондузу-биле чугаалажыышкыннарга киришкен

Ужуражылга үезинде Россия биле Көрей Республиканың аразында дипломатчы харылзааларны тургусканының 30 чылынга белеткелдиң чорудуу, инвестициядан эгелээш культурлуг солчулгаларга чедир дыка хөй айтырыгларны сайгарып чугаалашкан. 

«Көрей таланың чалааны-биле, Көрей Фонд-биле ужуражылгада бистиң чуртувусту төлээледим. Эртенги сериин агаарның чурту – Сеулдуң мэриниң оралакчызы-биле улуг үре-түңнелдиг ужуражылга болду. Кызылдан Сеулче авиарейстерни алызында барып организастаарынга Тываны таныштырганым, туризмни, сыын ажыл-агыйын хөгжүдеринге кады ажылдажылга дугайында саналдарым болгаш күжениишкиннерим таарымчалыг түңнелдерни бээр дээрзинге бүзүрээр-дир мен. Россияның Көрей Республикада элчини Андрей Борисович Куликке хүндүлээчели база кады ажылдажылгазы дээш четтиргеним илереттим. Ам Тываның шапкын хөгжүлдезиниң талазы-биле программа талазы-биле Россияның Чазааның даргазының хуралынга Москвага белеткенир» - деп, республика көрей ужуражылга дугайында бодунуң блогунда бижээн.