Тывада хөй ажы-төлдүг өг-бүлелерге халас хөмүр дүжүрүлгезин эгелээн
20.09.2019
Тываның Баштыңы Шолбан Кара-оол республиканың Күш-ажыл яамызы база кожуун чагырга даргалары хөй ажы-төлдүг өг-бүлелерге “социал” хөмүр дүжүрүлгезин онза хыналдага алыр кылдыр дааскан.
Бөгүннүү-биле, 1164 киржикчи өг-бүле халас хөмүрнү алыр ужурлуг. «Социал хөмүр» төлевилелдиң шупту киржикчилерин керээде айытканы хуусаа – октябрь 15-тен орайдатпайн одаар чүүл-биле хандырар.
Бо төлевилел 5 болгаш оон хөй ажы-төлдүг өг-бүлелерге деткимче көргүзериниң немелде хемчээ болуп турар. Өг-бүле бүрүзү 9-тан 13 муң рубль чедир түңге хөмүр, ыяш база чырык өртээн төлээринге деткимчени алыр. 2019 чылдың бюджединде төлевилел боттаныышкынынче ниитизи-биле 9 млн. 206,30 муң рубльди тускайлаан.
Республика Баштыңының саналы-биле 2019 чылда төлевилелче улуг инвесторлар спонсор кылдыр каттыжып кирген. Чижээ, «Межегейхөмүр» компания бодунуң акша-хөреңгизи-биле 127 өг-бүлени халас хөмүр-биле хандырган.
Возврат к списку
|