Тываның Одалга болгаш энергетика яамызы республикада одалга сезонун эгелээриниң дугайында

17.09.2019

Тываның одалга болгаш энергетика сайыды Роман Кажин-оолдуң дыңнадыы-биле алырга, Кызыл хоорайда бюджет адырының 101 объектилерин база 412 бажыңнарның 23-зин чылыг хандырылгазында кошкан.

Бөгүнде коштунулга база чылыгны бээриниң ажылдары уламчылап турар. Эртен база ооң соонда хонуктарда ажылдың кол кезиин кылып доозар. Бо 2-3 хире хүн иштинде өйлээр ажылдарны чорудар. Ынчап кээрге чоокку 4-5 хонукта республика кол ажылдарны доозар.

Шагаан-Арыгны сентябрь 17-де, Чаа-Хөлдү – 18-те, а Ак-Довуракты – сентябрь 23-те ийикпе азы оон-даа эрте чылыгга кожуптар чадавас.

Чеди-Хөл кожуунда суг алыр дөсте айтырыг тургустунган. Ында онза байдалды чарлааш, эрик зоназын катап тудар хемчеглерни эгелээн. Ынчангаш сентябрьның 26-да чылыгны дамчыдарын планнаан.