21.06.2019
Республикада ийи муң ажыг доозукчулар ЕГЭ шылгалдаларын бо чылын дужааган.
Регионда 11 класс доозукчуларының бирги шылгалдары география биле литературага болган. Бо чылдың аналитиктиг медээлери-биле алырга, эрткен чылдарга деңнээрге байдал экижээн. Доозукчуларның эки демдектери хөй. Г
еография дужааган 93 доозукчунуң, 5-жи (5,4 хуузу) 70-ден өрү баллдарны алган, Тыва Республиканың күрүне лицейиниң доозукчузу Ай-Херел Ажыкай 87 баллдыг болган. Литературага ЕГЭ-ни 49 кижи дужааган, 4 доозукчу (8,2 хуузу) 80-ден өрү баллдыг. Тыва Республиканың күрүне лицейиниң доозукчузу Татьяна Долгова 100 баллга дужааган.
Албан дужаар эртемнер – орус дылга, ниити база ханы билиглиг математикага эки демдектер көвүдээн.
Орус дыл ЕГЭ-зин 2066 кижи дужааган. 1050 кижи (%1 хуузу) 60-дан өрү баллга кылган. 40 кижи 90-дан 98 баллдарга кылган. Тыва Республиканың күрүне лицейиниң база Кызылдың президентиниң кадет училищезиниң доозукчулары ханы билиглиин бадыткаан.
Ханы өөредиглиг математика ЕГЭ-зин 1069 кижи бижээн. 60 өрү баллды 215 кижи алган, ол 20,1 %. 70-ден 79 баллдарны 105 кижи (9,8 %), 80 база ону өрү баллдарны 8 кижи (7,5 %) алган. Кызылдың президентиниң кадет училищезиниң доозукчузу Святослав Покоянов ханы өөредиглиг математикага 100 баллды алган.
Ниити деңнелдиг математиканы доозукчуларның 50,6 хуузу «4» и «5» демдектерге бижээн.
Төөгү, география база химияга бедик баллдарлыг доозукчулар саны көвүдээн. 557 доозукчу химияны дужааган, 15 кижи (27%) 60-дан өрү баллдыг болган: ТР-ниң аграрлыг лицей-интернадының, Тыва Республиканың күрүне лицейиниң база Кызылдың президентиниң кадет училищезиниң доозукчулары 90-дан өрү баллдарны алган.
501 кижи төөгүгү шилип алган, 87 кижи (17%) 60-дан өрү баллдарлыг, ооң иштинде 4 кижи - 90, 10 кижи – 80-ден өрү балладарга кылган.
2018 чылга деңнээрге, шупту эртемнерде ортумак көргүзүг экижээн. ЕГЭ-ни чедиишкинниг дужаап алырга, чурттуң дээди өөредилге черлеринче кирип алыр арга тыптыр. А шынарлыг эртем-билиг - чедииишкинниг чуртталганың үндезини. 2019 чылдың июнь 17-ден июль 1-ге чедир шылгалдаларның кол чадазының курлавыр хүннери.