Закрыть
Логин:
Пароль:
Забыли свой пароль?
Войти    

Тывада 2019 чылдың январь-апрельде кем-херек үүлгедиишкини 19,6 хуу кызырылган

Тывада 2019 чылдың январь-апрельде кем-херек үүлгедиишкини 19,6 хуу кызырылган 10.06.2019
Республиканың иштики херектер органнары-биле улусчу дружиналарның кады чоруткан хемчеглериниң ачызында, хөй-ниити черлеринде оперативтиг байдал экижип, бүрүткеттинген кем-херек үүлгедииниң саны 19,6 хуу кызырлып (1178-тен 947), ниити кем-херектер санының 34,9% болуп, кудумчуга, парктар болгаш сесерликтерге болган кем-херектер саны 15,5% (592-тен 500) эвээжээн.  
Хөй-ниити черлеринге кижиниң кадыынга кара өжегерээн хора чедирер кем-херектер 26% (50-тен 37), оор херектер 17,2% (604-тен 500), үптээшкин 58,1% (124-тен 52), дээрбечи халдаашкыннар 37,5% (8-тен 5), наркотиктиг бүдүмелдер-биле холбашкан кем-херектер 51,9% (27-ден 13) кызырылган. 
Хөй-ниити черлеринге кем-херек үүлгедии республикада эвээжээн-даа болза, муниципалдыг 6 тургузугда: Каа-Хем (+28,6%; 14 тургаш 18), Тере-Хөл (+100%; 0 тургаш 2), Таңды (+133,3%; 6 тургаш 14), Сүт-Хөл база Мөңгүн-Тайга (+50%; 2 тургаш 3) база Бай-Тайга (+80%; 5 тургаш 9) кожууннарда өскен.  
Тожу (+16,7%; 6 тургаш 7), Таңды (+175%; 4 тургаш 11), Чеди-Хөл (+60%; 5 тургаш 8) кожууннарда кудумчу кем-херектери көвүдээн.  
Отчеттуг үеде хөй-ниити черлеринге арага аймаа, наркотиктиг бүдүмелдер ажыглааны-биле холбаалыг корум-чурум үрээшкиннери 13,6 хуу (1745 тургаш 1508), хөй-ниити черлеринге эзирик көскүлеңнээри 8,3% (3080 тургаш 2823) эвээжээн. Корум-чурум үрээшкиннери дээш административтиг протоколдар долдурары 20,3% (2461 тургаш 2961) көвүдээн.  
ТР-ниң Чазааның Регион айыыл чок чоруунуң департаментизи

Возврат к списку