РФ-тиң Чазааның даргазы Тываның хөгжүлдезиниң талазы-биле хурал эрттирер дээн Шолбан Кара-оолдуң саналын деткээн

Шолбан Кара-оол Универсиада-2019 хоккей маргылдаазының түңнел оюннар үезинде ындыг чугаа кылдынганын дыңнаткан. «Коллегалар-биле ужурашкаш, бодалдарывысты солуштувус – деп, шайбалыг хоккейге Униварсиада-2019-туң алдын медалы дээш Россияның чыынды командазының оюнунуң үезинде Шолбан Кара-оол дыңнаткан. – Россияның Чазааның даргазы Дмитрий Анатольевич меңээ кажанда-даа эвилең ээлдек кижи». 

Тываның социал-экономиктиг хөгжүлдезиниң талазы-биле немелде хемчеглерни сайгарып көрген тускай хуралды ооң удуртулгазы-биле эрттирер дугайында саналды российжи чазактың удуртукчузу хүлээп алган. «Красноярскиде спортчу хемчегде келген-даа болза, мээң дилээмни хүлээп алды» – деп, Шолбан Кара-оол дыңнаткан.