Президент-биле дорт дамчыдылгадан Тываның Баштыңы көдээ эмнелгелер айтырыын бодунга демдеглеп алган
08.06.2018
Июнь 7-де, Россияның президентизи Владимир Путин-биле чаңчылчаан дорт харылзаа болуп эрткен. Конференц-харылзаа чуруму-биле эрткен хемчегге Тываның Баштыңы база киришкен.
Күрүне баштыңынга, дорт шугум үезинде, регионнар хөгжүлдезиниң чидиг айтырыглары база салдынган. Тываның Баштыңы Шолбан Кара-оол кадык камгалалының айтырыгларын бодунга ушта демдеглеп алган.
«Президент-биле кады ажылда бис! Күрүне баштыңынга чедирген регион айтырыгларының бирээзи-биле дөмей, бисте база, көдээ черлерде кадык камгалалының шынарын экижидер херек деп бодаар мен. Чижээ, Чөөн-Хемчик кожууннар аразының эмнелгезин алыылыңар. Девискээр иштинде тарамык ыяш бажыңнар, специалистер чедишпес... Боттарывыс өрү тырттынар ужурлуг чүвелер-ле хөй! А Президент бөгүн биске ындыг көдээ эмнелгелер тудар (эде тудар) конкурска киржип болур идегелди берди. Боттарывыстың барымдааларывысты база үндезиннеривисти дораан белеткеп эгелээлиңер. Хол куруг олурбайн, деткимчени алыр дээш, ажылды эгелээри чугула!» - деп, Тываның Баштыңы Шолбан Кара-оол бодунуң блогунда бижээн.
Возврат к списку
|