Тывада өскүс уругларга бажың үлээр комиссия составынче кижиниң (уругнуң) эргелерин камгалаар талазы-биле бүрүн эргелиг төлээни киирген
31.05.2018
Тыва Республикада кижиниң (уругнуң) эргелерин камгалаар бүрүн эргелиг төлээ Ольга Россова Тыва Республиканың Өг-бүле болгаш уруглар херээниң талазы-биле агентилелдиң өскүс уругларга бажың үлээр комиссиязының составында кирген.
Комиссияда 13 кижи бар, оларның 4-ү хөй-ниити организацияларының төлээлери. Кижиниң эргелерин камгалаар төлээден аңгыда, «Бажыңче орук» регионнуң хөй-ниити организациязының даргазы Байкара Сай-Суу Начыновнаны комиссияның составынче киирер дугайында шиитпирни хүлээп алган.
Ольга Россованың чугаазы-биле алырга, комиссияның хүлээген шиитпирлериниң хоойлуга дүүшкээн болгаш шынчызын контрольдаар база юридиктиг болгаш өске-даа дузаны көргүзери-биле, ону комиссия составынче кирген. Комиссия өскүс уругларны даңзыже киирер, үндүрер, катап тургузар, бажыңны бээр дугайында айтырыгларны шиитпирлээр.
Комиссияның шиитпирин Агентилелдиң сайтызында салган, оон аңгыда оон республиканың кожууннар болгаш хоорайлар аайы-биле бажың алырынга хереглелдиг кижилерниң даңзызы-биле база таныжып болур.
Возврат к списку
|