Тывадан албан езузунуң делегациязы Моолдуң Бойдус яамызы биле Энергетика яамызынга ужуражылгаларны эрттирген

Майның 15-те, Моолга албан езунуң ийиги ажыл хүнүнде, Тыва Республиканың Баштыңы Шолбан Кара-оолдуң удуртканы Тываның делегециязы бойдус, долгандыр хүрээлел болгаш туризм сайыды Н. Цэрэнбат база энергетика сайыдының оралакчызы Т. Гантулга олар-биле ужурашкан. 

Экология-туризм ведомствозунуң удуртулгазы-биле бойдус курлавырларын шиңгээдириниң база туризм адырында кады ажылдажылганы калбартырының кедизин сайгарып чугаалашкан. Ийи регион чоннар аразында туризмни органистаар ажыл-херекке бот-боттарындан өөренип, кайызынга-даа саналдап болур чүүлдер барын ийи тала демдеглээн. 

Моолдуң Энергетика яамызынга болган ужуражылгада, «Россия – Моол» энергокоридорну тудар төлевилелди боттандырарда кады ажылдажылга дугайында чугааны чоруткан. 

Амгы үеде ол-даа, бо-даа тала энергетика компанияларының деңнелинде ажылды чорудуп турар. 

Росчеткилер Моолга Саян-Шушенск ГЭС-тен Тыва таварты энергокөвүрүгнү тудуп, Моолдуң энергосистема күчүзүн улгаттырып, чурттуң экономиктиг хөгжүлдезиниң хереглерин артыкка хандырарын саналдаан. 

Тываның Баштыңы Шолбан Кара-оол май 15-те «Northern Railways» компанияның удуртулгазы, Моолдуң камгалал сайыды дээрги Н. Энхболд-биле ужуражыр.